कुठलं गाणं कशा साठी ऐकावं?

(noise reduction करणारा ear phone माझ्याकडे आहे (माझा आवडता Creative ६३० ) तुमच्याकडे तसल्याच प्रकारचा किंवा त्यापेक्षा चांगला ear phone असावा
एवढी अपेक्षा म्हणजे पुढे वाचण्याला अर्थ बिर्थ कारण गाण्यातल्या मायन्यूट हरकती इथे जास्त... तर ते कानात असताना जी गाणी ऐकली , त्याचं निरीक्षण )

कुठलं गाणं कशा साठी ऐकावं?


१) माझ्या मराठी मातीचा ...
याच्यात गाणं टिपेला पोचता तेंव्हा एक हाश्शशश्शशश्शशश्शश असा आवाज आहे... (भक्त गणासाठी time stamp : १:१०... एकदा ऐकून पटलं नाही तर जास्त वेळा ऐकावा लागेल...त्याला इलाज नाही)

२) पोराले -आनंदी (चित्रपट: करुथमा)
पाहिल्या अंतर्या मध्ये पार्श्वभूमीला हसत खिदळत धावणाऱ्या मुलींचा आवाज, आणि त्यांच्या बरोबरच पळणारे violine आणि नंतर येणारा लाडिक येलेले येलेले... (विशेष सूचना : हे शूट करण्या साठी "स्टेडी कॅम" जरुरीचा ) (भक्त गणासाठी time stamp : १:२६ )
दुसर्या अंतर्यात एकदा डाव्या कानाला एकदा उजव्या कानाला ऐकू येणाऱ्या बासरीचा आवाज (भ.ग. t : ३:५४ )

३) जबरदस्त (शीर्षक गीत)
या गाण्यात खूपच कमी ताशाचा आवाज वापरलाय..जो खूप आनंद देवून जातो (भ.ग. t : ०:५४)

४) आरोमले (विन्नी थान्डी वारुवाया )
या गाण्यात गायक "आरोमले" म्हणताना किती वेगवेळ्या प्रकारे पिळवटून बोललाय त्यावर बारीक लक्ष ठेवावे... (गाणं संपल्यावर आपल्याला खूप काही मिळालंय हे लोकांना कळू देऊ नये...गप राहावं आणि गाण आठवत राहावं ;) (भ.ग. t : देण्यात काही अर्थ नाही..)

५) नरुमुगाये (इरूवर)
सुरवातीचा मृदुंग ... त्यावरची थाप ... आणि अगरबत्तीच्या धुरा सारखी तरंगणारी करुण बासरी... (भ.ग. t : मिळणार नाही ...कंटाळा आला)

६) सक्कारा (न्यू)
वात्रट म्हणजे अगदी कार्टून छाप drums , "तवील" नावाचं ताल वाद्य (लग्नात बिग्नात असता बघा...), सनई, सगळा सावळा गोंधळ .... पण गंभीरपणे केलेला वात्रट पणा यहा पाया जाता है

७) महम मह माये (पुली)
"अलंटी हाय दि" हे गायिकेने उच्चारलेले शब्द ... अर्थात नुसते तेच ऐकू नका ..पूर्ण गाणं ऐकलात तर मज्जा ... (त्याचं अर्थ .. सेम हिअर, सेम हिअर ... म्हणजे त्या थोर पुरुषाला त्या थोर स्त्री बद्दल ज्या भावना वाटतात त्याच भावना त्या थोर स्त्रीला थोर पुरुषाबद्दल वाटतात, म्हणून ती उच्चारते "इकडे पण असंच, इकडे पण असंच" ) (भक्त गणांनी कृपया शांत राहून गाणं ऐकण्याची कृपा करावी, मंडपाजवळ गोंधळ घालू नये ... नाहीतर प्रत्येकाच्या वडिलांना... घरी जाऊन नाव सांगावं लागेल...) असो शेवटचा कंस वाचल्या न वाचल्या सारखा करावा...

८) एन विटट तोटटतील (gentelman )
गाण्यातील intruldes...गाण्यातील intruldes...गाण्यातील intruldes... अगदी तमिळ हिरव्या गार गावातलं घर ... केळीचं सुवासिक हिरवं पान त्यावर ठेवलेला वाफाळलेला भात ... पितळेच्या पिवळ्या ... चकाकणाऱ्या स्वछ भांड्यात ठेवलेल्या पांढर्या शुभ्र इडल्या ... ही सगळी चित्र डोळ्यासमोर दिसली नाहीत ..... तर सकाळी फिरायला जाताना एकदा ...दुपारी जेवून झाल्यावर २ वेळा आणि रात्री बिछान्यात पडल्या पडल्या नशिबाला दोष द्यावा... अजून मी काय सुचवू ... ;) मी किती ताप घेणार डोक्याला ना? असो ...

९) इन्नवले अडी इन्नवले ( सून री सखी मेरी प्यारी सखी .. "हमसे है मुकाबला" तमिळ मध्ये "कादलन ")
गायकाचा आर्त आवाज... पार्श्वभूमीला वाजणाऱ्या .... (किणकिणणार्या हाच शब्द योग्य ) असंख्य छोट्या मोठ्या घंट्या ... आणि खास दक्षिणात्य स्त्रियांचा कोरस... एका वेळी एक ऐकलंत तरी चालेल ...बघा जमतंय का?

एवढं बोलून मी माझं भाषण संपवतो ...
तुम्हाला काही लिहायचं असल्यास तुम्ही ही लिहू शकता ...

किन्नरीचे बोरन्हाण...

तुमचे earphone...speakers लावून मगच बघा...

Texas chainsaw Masscare

Texas chainsaw Masscare (टेक्सास मधलं यांत्रिक करवतीने ने केलेले हत्याकांड असा अर्थ असावा ...असणारच) हा सिनेमा मला जास्त आवडला ... इतर सर्व इंग्रजी सिनेमान्सारखाच तो होता तरी तो जास्त आवडला ... डोक्यात राहिलं कायमचा का तेच शोधण्याचा प्रयत्न ....
पी सी वर इयर फोन लावून एकट्याने मी खूप चित्रपट पाहिलेत त्याची सुरवात बहुदा या सिनेमानेच झाली .... मला भयपट, हॉरर, सायकोपट भयंकर आवडतात ...म्हणजे एकच विषय पण तो वेगळ्या वेगळ्या पद्धतीने कसा मांडलाय हे पाहणं मला अभ्यासाचा विषय वाटतो... सध्या मी "मशिनीष्ट" चा मनापसून अभ्यास करतोय. तर टेक्सास मध्ये सुरवातीचे जे दृश्य येतं ज्यात व्यान मध्ये बसलेले ४/५ मित्र एका निर्जन पण हिरव्या गार रस्त्यावरून चाललेत (अशी सुरुवात असली कि मला जाम मजा येते..(पहा wrong turn १, hills have eyes 1, jipper cripper, haute tension, shaitan (french)) )... आणि अचानक एक पोरगी त्यांच्या गाडीखाली मरता मरता वाचते... पोरं तिला गाडीत घेतात आणि जे काय प्रकार सुरु होतात .... ते मला भयंकर आवडलं... सिनेमात मग हे लोक एका भिकारचोट घरात...(त्या एकाकी घराचे संध्याकाळच्या उन्हात जे लोंग शॉट घेतलेत ते मला का माहित पण फार मनहूस वाटले।) आश्रय घेतात...तिथे असतात ...माणसांना मारून खाणारी एकदम चारी ठाव स्वयंपाक करून शिजवून खाणारी माणसे ... आणि एक पाळीव वेडसर हिंस्र माणूस जो बिनडोकपणे मालकाने सोडला कि कुत्र्यासारखा समोरच्या माणसाला आपल्या यांत्रिक करवतीने कापूनच काढतो ... सिनेमात हे जे काय प्रकार दाखवलेत ते काही वेळा अंगावर शहारे आणतात या सगळ्यात महत्वाची गोष्ट मला वाटली आणि आवडली ती म्हणजे हे सगळे करण्यामागे त्यांनी त्याची कारणे पण दाखवलीत (जास्त डीटेल मध्ये Texas chainsaw Masscare - the begining (हा याचा नंतर आलेला मागचा भाग) यात दाखवलंय) उगाच दाखवायचं म्हणून काहीही विक्षिप्त दाखवलेले नाही...मी तरी त्यांचा राग समजू शकलो. हे सगळं लिहिलेले जाम पुचाट झालंय पण सध्या असंच सुचतंय ... वाटतंय तसाच लिहिलंय .... पुन्हा वाटलं तर पुन्हा लिहीन. हल्ली मला कंसात कंस घालायची बेक्कार सवय लागतेय हे एक विशेष.

(मनोगत) सखिये ... DSLR वर रहमानचे गाणे चित्रित करायचा प्रयत्न.

सरळ मुद्द्यावर येतो.हे गाणे फार जुने "अन्दीमन्दारय" या तमिळ चित्रपटातले आहे... या गाण्याने काही महिने माझा कब्जा घेतला होता. गाण्यातले शब्द काय आहेत किंवा त्याचा अर्थ हा मुद्दा ... रहमानचे गाणे असल्यामुळे गौण ठरतो...त्यात असलेल्या भावना...एक हि शब्द न कळता... काळजाला भिडतात...

ह्या गाण्यात ओले वातावरण आहे... रहमानने खूप ओली गाणी बनवली आहेत... (उदा. इंदिरा मधला "थोडा थोडा", इरूवर वैगरे) ...प्रियकर आपल्या प्रेयसीच्या आठवणीने व्याकूळ झालेला आहे.... तो तिला आठवतोय ...तिचं वर्णन करतोय... या गाण्याचे नाव सखिये असलं...तरी या चित्रात ती दिसत नाही... उगाच अपेक्षा ठेवू नका :) मी आवडत्या मुलीची आठवण काढणारा मुलगाच फ़क़्त दाखवलाय. आणि गाणं ऐकताना जे जे डोळ्यासमोर दिसलं ते तसंच चित्रित करण्याचा प्रामाणिक प्रयत्न केलाय. या गाण्यात निसर्ग हा महत्वाचा घटक ठरलाय....त्या मुला पेक्षा...

हे गाणं बनवताना माज्याकडे कोणी हि कलाकार नवते...शेवटी माझा भाऊ सुशील मदतीला धावला. त्याने हि आपल्या परीने भूमिकेत शिरायचा प्रयत्न केला होता. शेवटी आम्ही कोणी फुल time अक्टर डिरेक्टर नाहीत. सुशील कढून जास्त अक्टिंग करवून घेतली नाही कारण २ दिवसात त्याला मुंबई गाठायची होती. त्यामुळे जसं जमलं तसं केलं. पण सुशील ने फार फार मेहनत घेत्लीय. दूर दूर चालत जायचा...कुठे हि रानात उतरायचा... Hats ऑफ brother !!!

आणि अजून थोडं ... कारण त्याचा उल्लेख मला करायलाच पाहिजे... माझा अजून एक भाऊ "ऋषी" त्याने अभ्यास टाकून मला माज्या गावाच्या अवती भोवती न थकता बाईक ने फिर फिर फिरवलं...लोकेशन साठी ... मी त्याला फ़क़्त सांगायचो मला ना असं गवत..पाणी ... असं वातावरण पाहिजे...सांगितलं रे सांगितलं कि हा पठ्या बाईक बर किक मारून तय्यार. :) खूप खूप मदत झाली ऋषी तुझी...

पकवलं... आत्ता गाणं बघा ... पूर्ण लोड करून घ्या ... speaker / हेडफोन चा आवाज चेक करा ... गाण्यातल्या भावना समजून घ्या... शब्द नाही कळले तरी... फील करून घ्या... चुका काढा... comment तर जरूर टाका...त्याशिवाय काय अर्थ आहे ? ;)

मला जितका या गाण्याने आनंद दिला ऐकताना आणि बनवताना....तो तुम्हाला हि मिळो...असं मनापासून सांगावसं वाटतं.

जय रहमान !

सखिये (Sakhiye) visual interpretation of a classic A.R.Rahman's song from Harshal chavan on Vimeo.

स्लो नेट स्पीड असेल तर तुम्ही इथे ही पाहू शकता. (low resolution )

बरेच दिवस झाले !

खुप दिवस झाले काही लिहिलच नाही... नेहमी लिहायला हवच असा काही नियम नाही ... आज मात्र काही तरी लिहवस वाटतय... बरेच दिवस माझ्या आवडत्या सिनेमां बद्दल लिहायचा होतं... ते सगळ्यांनाच आवडतील असे नाही पण... मला भरपूर आवडलेत ...मग प्रश्न मिटला...

"सत्या" आणि "टेक्सास चेनस्वा मसेकर (texas chainsaw massacre part 1 and 2) "

बघू किती आणि कश्या पद्धतीचे लिहिता येतेय ते.

canon 550D घेतला

canon 550D घेतला ...दिवस रात्र त्याच्यावरच प्रयोग करत असतो... दुसरे काही सुचत नाही... जोपर्यंत समाधानकारक शोर्ट फिल्म बनत नाही तोपर्यंत सुख समाधान नाही... असो..
हा जो क्यामेरा आहे त्यात HDvideo शूट करता येतात (त्यासाठीच घेतलाय तो ..) तर आणल्या आणल्या ... मी काहीही सेट न करता हे चित्रित केलं. मग चुकत माकत video एडीट केला... पार्श्व संगीत टाकलं
आणि अश्या रीतीने फिल्म मेंकिंग (फार भारी शब्द वाटतोय का? असो...) ला सुरुवात केली... बघा आणि चांगला ... वाईट ....अभिप्राय द्या... :)

जय महाराष्ट्र !

मला माहिती आहे फार उशीर झालाय हे पोस्ट कारायला पण तरीही... मी केलेली calligraphy "महाराष्ट्र दिना" निम्मित ... शेयर करतोय ... जय महाराष्ट्र !